SKÁLDSAGA

Gamalt og nýtt

Þorgils gjallandi eða Jón Stefánsson eins og hann hét réttu nafni, kvaddi sér fyrst hljóðs sem rithöfundur árið 1892 með bók sinni Ofan úr sveitum en hún innihélt þrjár stuttar sögur og eina lengri sögu, Gamalt og nýtt. Var hann þá orðinn rúmlega fertugur að aldri. Þrátt fyrir að Þorgils væri ekki að skrifa inn í langa og ríka smásagnahefð hér á landi var öllum ljóst við lestur bókarinnar að hér var enginn venjulegur rithöfundur á ferð og ekki maður sem batt bagga sína sömu hnútum og aðrir á ritvellinum. Sögur hans hneyksluðu og kölluðu fram sterk viðbrögð, enda réðst hann í þeim gegn ríkjandi viðhorfum og skinhelgi hvað varðaði grundvallarstofnanir samfélagsins, s. s. hjónaband og kirkju. Þá var stíll hans beinskeyttur og óvæginn sem truflaði marga. Í Gamalt og nýtt ræðst Þorgils einmitt gegn hjónabandinu og svo er bara að sjá hvort sagan fari jafn mikið fyrir brjóstið á lesendum í dag og hún gerði þegar hún kom fyrst út.

HÖFUNDUR:
Þorgils gjallandi
ÚTGEFIÐ:
2013
BLAÐSÍÐUR:
bls. 141

AÐrar bÆkur
SEM ER VERT AÐ SKOÐA :

  • ...